माघ २०, २०७९ शुक्रबार । February 4, 2023

साकुरा मल्टि मिडिया हाउस द्वारा संचालित

काठमाडौं । काठमाडौं महानरपालिकाले २८ ‍औं स्थापना दिवस मनाउने भएको छ । सप्ताहव्यापी कार्यक्रमसहित महानगर दिवस मनाउन लागिएको काठमाडौं महानगरपालिकाले जनाएको छ । महानगरापलिकाले स्थापनाकालको २८ औं दिवस विभिन्न कार्यक्रम आयोजना गरी मनाउन लागेको महानगरका प्रवक्ता नविन मानन्धरले जनाएका छन् । भोलि मंसिर २३ गते बिहान औपचारिक रूपमा कार्यक्रम सुरू गरी दिवस मनाइने उनले बताएका हुन् ।

२०५२ साल मंसिर २९ गते काठमाडौं नगरलाई महानगर घोषणा थियो । महानगर घोषणा गरेपछि हरेक वर्ष मंसिर २९ गते महानगर दिवस मनाइदैँ आएको उनले बताए। कार्यक्रममा अनलाइनमार्फत् सेवाग्राही सर्वेक्षण, मौलिक बाजागाजामा युवाहरूको रूची बढाउन धिमे बाजा प्रतियोगिता, विद्यार्थीहरूका लागि चित्रकला र निबन्ध लेखन, शिक्षक स्तरमा वक्तृत्वकला, जेलभित्रका विद्यालय, फरक क्षमता भएका (सुस्त श्रवण, सुस्त मनस्थिति, विशेष विद्यालय) विद्यार्थीका लागि कुर्सी दौड प्रतियोगिता, महानगरका कर्मचारीका बीचमा हाजिरी जवाफ प्रतियोगिता आयोजना हुनेछ। यस्तै परम्परागत गुरूहरूको सम्मान, मेयर ११ र प्रमुख प्रशाकसीय अधिकृत ११ मैत्री फुटबल खेल, महिला जनप्रतिनिधि र कर्मचारीका लागि कुर्सी दौड प्रतियोगिता आयोजना हुने पनि जनाइएको छ ।

कलाहरूको प्रवर्द्धन गर्न मंसिर २९ गते प्रतियोगितात्मक चित्रकला प्रदर्शनी र तस्बिर र प्रदर्शनी पनि हुनेछ। मानन्धरका अनुसार महिला उद्यमशीलतालाई प्रवर्द्धन गर्न उद्यमी मेला र स्थानीय परिकारको प्रवर्द्धन गर्न खाना मेला लगायतका विभिन्न कार्यक्रम हुनेछ।

©2023 sakurakhabar.com All rights reserved. | Website by Appharu.com