युनिकोड
काठमाडौं । जंगली च्याउ खाँदा एकै घरका पाँचजना बिरामी भएका छन् ।
रुकुम पश्चिममा जंगली च्याउ खाँदा बाँफिकोट गाउँपालिका ७ मग्मा नदुवाका आशिराम खत्रीको घरका पाँच जना बिरामी भएका हुन् ।
मंगलबार बेलुका आशिरामले जंगलबाट च्याउ ल्याई पकाएर खाँदा परिवारका पाँच जना बिरामी भएको प्रहरी स्रोतले जनाएको छ ।
बिरामी हुनेमा ३६ वर्षीय आशिराम खत्री सहित श्रीमती ३१ बर्षीया कुमारी खत्री, छोरा ६ बर्षीय शेरबहादुर खत्री, छोरी ३ बर्षीया धनमाया खत्री र भान्जा १४ बर्षीय निमबहादुर खत्री रहेका छन् ।
उनीहरुलाई बुधबार बिहान जिल्ला अस्पताल सल्लेमा उपचारका लागि ल्याएको र घाइतेमध्ये घरमूली आशिराम र छोरी धनमाया बोल्न नसक्ने अवस्थामा रहेको प्रहरीले जनाएको छ ।
अन्य तीन जना भने बोल्न सक्ने अवस्थामा छन्।
प्रतिक्रिया