युनिकोड
काठमाडौं । बाजुराको बुढीगंगा नगरपालिकामा एमालेले जित्ने पक्का भएको छ । हालसम्मको मतगणनामा एमालेका रामबहादुर बानियाँले ४,५५५ मत ल्याएका छन् भने कांग्रेसका रंगबहादुर खातीले ३,५९७ मत ल्याएका छन् ।
गत बिहीबार भएको मतदानमा बुढीगंगामा ९,१२८ मत खसेको थियो । अब ४०९ मत मात्र गन्न बाँकी छ ।
उनीहरूबीच अहिले ९५८ मतको फरक छ । गन्न बाँकी मत भन्दा मतान्तर धेरै भएकाले एमालेको जित निश्चित भएको हो ।
उपमेयरमा एमालेकी मायाकुमारी खड्काले ४,४०० मत कटाएकी छन् । कांग्रेसकी रिता शाहले ३,६०० मत ल्याएकी छन् ।
प्रतिक्रिया