चैत्र १२, २०८० सोमबार । March 25, 2024

साकुरा मल्टि मिडिया हाउस द्वारा संचालित

काठमाडौं । राष्ट्रियसभा सांसदहरूले सत्तापक्ष र प्रतिपक्षबीच आरोप–प्रत्यारोपभन्दा माथि उठेर राजनीतिक दलका शीर्षनेताहरूले देशको आर्थिक विकाससँगै समग्र विकासको निम्ति लाग्न आग्रह गरेका छन् ।

सभाको आजको तेस्रो बैठकमा सभामुखसँग समय माग गरी बोल्दै नेपाली कांग्रेसका तर्फबाट बोल्दै जितेन्द्रनारायण देवले भन्नुभयो, “कोभिड, युक्रेन–रसियाबीच भएको युद्धले गर्दा विश्वकै आर्थिक अवस्था सङ्कटमा परेको छ, राजनीतिक दल र दलका नेताहरू आपसमा आरोप–प्रत्यारोपलाई छाडेर मुलुकको आर्थिक विकासमा लाग्नुपर्ने छ, सबै मिलेर देश बनाऔँ, सत्तापक्ष र प्रतिपक्षबाट माथि उठौँ ।”

प्रतिनिधिसभाबारे सर्वोच्च अदालतले गरेको निर्णयपछि राजनीति एउटा गतिमा अघि बढेको उहाँले बताउनुभयो । उहाँले भन्नुभयो, “प्रतिपक्ष दललाई आग्रह गर्न चाहन्छु, प्रतिपक्षको काम विरोध गर्नेमात्रै होइन, सकारात्मक सुझाव पनि दिनुपर्छ प्रतिपक्षले ।” उहाँले वर्तमान सरकार गठन भएपछि राजनीतिक स्थिरता आएको बताउँदै देशको विकासका निम्ति राष्ट्रिय सहमतिको विकल्प नरहेको जिकिर गर्नुभयो ।

नेकपा ९माओवादी केन्द्र०को तर्फबाट बोल्दै सांसद नारायणकाजी श्रेष्ठले दलहरूले आत्मसमीक्षा गरेर कमीकमजोरी सच्याउँदै देशको आर्थिक विकासमा अगाडि बढ्नुपर्ने धारणा राख्नुभयो । उहाँले भन्नुभयो, “चुनावमा कसैले जित्ने वा हार्नेभन्दा पनि चुनाव शान्तिपूर्ण, निष्पक्षरूपमा सम्पन्न भयो, संविधान कार्यान्वयनलाई नयाँ ढङ्गबाट अगाडि बढाउनु मुख्य विषय हो ।”

उहाँले उत्पादन र रोजगारीसँग विकासलाई जोडेर स्थानीय तहले विकासको मोडललाई अगाडि बढाउनुपर्ने बताउनुभयो । राष्ट्रिय नीति, कूटनीति र राष्ट्रियतालाई राजनीतिक स्वार्थ पूरा गर्ने माध्यम बनाउन नहुनेमा उहाँले जोड दिनुभयो । उहाँले आव २०७९÷८० का लागि विनियोजन विधेयकका सिद्धान्त र प्राथमिकता सम्बन्धमा सुझाव दिँदै उहाँले भ्रष्टाचारको प्रभावकारी कार्यान्वयन र नियन्त्रण गर्नेमा बजेट केन्द्रित हुनुपर्ने बताउनुभयो ।

आजको बैठकमा आव २०७९÷८० का लागि विनियोजन विधेयकका सिद्धान्त र प्राथमिकता सम्बन्धमा ९कर प्रस्तावबाहेक० छलफल हुनेछ । अर्थमन्त्री जनार्दन शर्माले छलफलमा उठेका प्रश्नको जवाफ दिनुहुनेछ ।

©2024 sakurakhabar.com All rights reserved. | Website by Appharu.com