युनिकोड
दोलखा । भीमेश्वर नगरपालिका वडा नं. १ मा नेपाली कांग्रेस अध्यक्षसहित तीन सदस्य र गठबन्धनका एक सदस्य गरी प्यानलनै विजयी भएको छ । यस वडामा विगत ३० वर्षे नेकपा एमालेको इतिहास मेट्दै नेपाली कांग्रेसको उदय भएको हो ।
विजयी हुनेमा अध्यक्ष माधव थामी, सदस्य बालकृष्ण राय क्षेत्री, सदस्य गठबन्धनतर्फका गंगाबहादुर थामी, महिला सदस्य निशा थामी, दलित महिला सदस्य विष्णुमाया खाती रहेका छन् ।
भीमेश्वर नगरपालिका वडा नं. १ मा विगत ३० वर्षदेखि एमालेले एकछत्र राज गर्दै आएको थियो । ३० वर्षपछि उक्त वडा नेकपा एमालेको कब्जाबाट नेपाली कांग्रेसको पोल्टामा आएको छ । यसले पनि नेकपा एमालेप्रति जनता कति रुष्ठ छन् भन्ने प्रमाणित गर्दछ ।
प्रतिक्रिया